她(五)
Feb 9, 2021
是我媽媽
33.席上，有蝦。
她：「大家食多啲！我哋成日買嚟食，食都食到厭啦！你哋好少食，係嘛？食多啲，食多啲！」
她總是以為自己說得很客氣……
34.飯後，她切好水果，盛在碟上。稍一不慎，將其中一塊梨丟了在地上。
她：「噢！快啲執返上嚟。」她趕快將梨沖洗，放回碟中。
她：「拎出去啦……你唔好食嗰舊呀，等人哋食啦。」
果真親疏有別！
35.她：「你識唔識煲水？」
我：「……我都成三十歲人啦(十幾年前)，點會唔識呀！」
之後，她又開始將燒開水的步驟示範一次……
36.妹：「嘩，啲豆好爽甜，好靚喎。」
她：「哈，點只靚呀……直情靚啦！」
37.妹：「聽日開始，我連中午嗰餐都食麥皮好啦，要開始減肥！」
她：「吓！……咁我整咗你聽日個飯盒，點算呀？」
38.我們在收看電視上的美食節目。
她：「嘩！幾靚呀……隻碟！……如果可以買嚟招呼客人就好啦！」
39.我：「天文台話香港喺五十年之後就無冬天啦。」
她：「咁就好啦，啲冬天衫可以丟曬佢啦！」
她常抱怨我們的衣服太多，又不願丟掉舊的…...
40.夏天晚上。
她：「做乜唔開冷氣呀？」
我：「環保啲嘛。」
她：「……」
她就替我開了冷氣。
41.妹：「不如熄咗部冷氣。」
她：「點解呀？」
妹：「凍囉。」
她：「你邊道凍呀？？」
妹：「……」
