我可唔可以錫你一啖呀？

平凡女子 五十三

女兒喺街見到人哋跌咗橙落地，佢主動幫人執返。完。

平凡女子 五十四

我唔小心跌咗部電話落水，電話報銷。

女：爸爸，畀（十蚊）你買電話呀。

我：咁乖？

女：係呀。……啲錢係哥哥嘅。

我：……

平凡女子 五十五

我：我可唔可以錫你一啖呀？

女：唔得……因為我有毒！

我：吓？有毒？

女：因為我有病毒……咳咳咳……

我：哦，你有病毒，驚傳染我。

平凡女子 五十六

女：爸爸，呢粒畀你食呀。

我：畀我食？真係？(平時死霸爛霸唔畀人食！)

女：係呀。

我：真係？

女：係呀。

我：咁我食啦。……um……

女：點呀，呢粒係咪爛㗎？！

我：……