她(六)

是我媽媽

42.有一天，妹和她在扶手電梯上遇上一名大聲自言自語的男人。

她倆望望男人，又對望笑了一下。忽然……
妹：「哥哥平常也是這樣的嗎？」
她：「哈哈！不至於……」

43.小時候，我會與鄰居的小朋友在家樓下花園玩耍，每當吃飯時候，她就會在窗戶向下吼叫：「食飯啦，返上嚟！」

44.偶然也會在鄰居家中玩電子遊戲機或者看影帶。吃飯的時候，她就會向長長的走廊大叫：「去咗邊？重唔返嚟！」

45.她：「你知唔知你出世時幾重？」

我：「一般都係七、八磅卦。」

她：「哈，你阿妹出生時就七磅十啦！你呢，可能我食得太多榴槤，太肥，你出世時成九磅十啊！」

我：「……」

她：「嗰時去嬰兒房搵你，唔使睇名架，姑娘成日同我講：『最大舊嗰個咪你架囉。』」

46.這幾個月，她每逢星期日下午一時正都安坐在電視機面前看劇集《巴黎戀人》。

有一個星期日，她忽爾大叫：「點解唔係播《巴黎戀人》嘅？」

於是我上網看看電視節目表。的確，自那個星期日起，那個時段都是播放另一套劇。

我：「無理由無端端腰斬咗套戲架......」

她：「……上一集講個主角返到巴黎……大家又見返面……哦，原來上一集已經係結局啦！」

我：「……你上星期睇時唔發覺架咩？」

47.我之前弄傷了腳。

她：「畀我睇吓你隻腳。」

我將左腳提高。

她：「無事啦。以後要小心啲，唔好……」

其實，我傷的是右腳！

48.我買了一盒透明塑膠的立體積木給她，因為知道她向來喜歡小手工。

她接過後：「而家眼睛唔好啦，咁細嘅積木，睇唔到啦……」

突然，有點傷感……

49.小時候，有一段日子，我失眠。晚上失眠難擋，我會搖醒身邊的她。

睡眼惺忪的她總會向我吐一句：「瞓啦……」

我：「……」

而翌日，她會再向我說：「你知唔知你搖醒咗人哋，人哋可能會好難再瞓返架？」

於是，我學會了獨自面對無眠的晚上。

50.經過萬寧，店員在門口大喊：「今日大特賣，XX沐浴露$9.9一支，真正益街坊！」

我走過了，不過停下來想想，很便宜，而且我一向很少買東西回家，本著為了對家有一點貢獻的心態，便回頭買了一支回家。

回家後，將沐浴露遞給她。

她問：「你做咩買沐浴露返嚟？」

我：「好平呀，$9.9一支咋！」

她：「……平時都係賣$9.9架！有時候特惠裝買三支重送洗手液添呀！」

我：「……」

51.妹：「嘩，啲魚好新鮮喎！」

她：「咩新鮮呀，係生猛。岩岩死既魚，就新鮮；游水魚就叫生猛！咪講錯！」