平凡女子 五十
女：媽，你有幾條白頭髮，我幫你掹咗佢呀。
1 min readApr 26, 2019
妻：唔使啦……媽媽變老就會有白頭髮架啦。
女開始扯自己幾條頭髮。
妻：你做乜呀？
女：我掹我嗰啲同你換啦。
妻：傻妹，唔使架，你咁樣好痛架。
女：唔痛嘅。(真係扯咗幾條出嚟)同你換呀。
平凡女子 五十一
太太有點不適，休息一會。兒捧著茶杯欲入房。
我：做咩呀？
兒：我想畀媽媽飲啖茶。
我：不過媽媽而家瞓緊，晏啲先拎入去啦。
兒：好呀。
兒捧茶杯入廚房，添熱水。
我：而家都唔飲住，唔使斟啦。
兒：我諗住斟定，攤定先。
我：好啦，乖仔。
兒放低茶杯，好興奮咁跳住出返廳，澎澎聲……
我：可唔可以靜啲，唔好嘈到人哋呢！！！
平凡女子 五十二
